Andrea Abreu ofrece con Panza de Burro a súa primeira novela, que se converteu nun fenómeno editorial sen apoio de grandes grupos editoriais nin mediáticos. Co título refírese a un fenómeno meteorolóxico canario, nubes baixas, que ten un papel omnipresente na obra. Estamos ante unha historia narrada en primeira persoa por unha nena de dez anos a mediados da década dos 2000 nun lugar do norte de Tenerife, co "vulcán" sempre á espreita.
Ela cóntanos o seu verán xunto a súa amiga Isora, nun escenario marcado pola ausencia de pai e nai, o anhelo de visitar a praia e o descubrimento do mundo adulto coas súas miserias.